Udasiyon Ka Yeh Mausam Badal Bhi Sakta Tha, Woh Chaahta To Quotes

Udasiyon ka yeh mausam badal bhi sakta tha,
woh chaahta to mere saath chal bhi sakta tha,
woh shakhs ke jise tu ne, chhorrne mein jaldi ki,.
tere mizaaj ke saanche mein dhal bhi sakta tha,
woh jald-baaz khafa ho ke chal dia werna,
tamam maslon ka koi hal nikal bhi sakta tha,
anaa ne haath uthaane hi na diye werna,
meri dua se woh pathar pighal bhi sakta tha,
tamaam umer tera muntazir raha woh ek shaks,
yeh aur baat ki woh rassta badal bhi sakta tha..

Meri tabaahee ka ilzaam ab sharaab pe hai
Main aur karta bhi kia tum pe aa rahi thi baat..

Bicchar gaya hai to ab us ka saath kia maangoon
zaraa si umar hai gham se nijaat kia maangoon
woh saath hota to hotin zarooratein bhi bahut
akelee jaan key liye kaayenaat kia maangoon..

Roz-e-eid gulaab chehron mein usko talash karta hoon
main apne aap se yeh sawaal karta hoon
woh ek shakhs jiska saath tha lamhe bhar ke liye
main uske waastey kyun dil udaas karta hoon..

Maine dil se poocha yaadon aur waadon mein kya faraq hai
jawab aaya waade insan torta hai aur yaadein insan ko tor daiti hain..

Mumkin ho aap se to bhula dijiye mujhe
pathar pe hoon lakeer mita dijiye mujhe
har roz mujh se taaza shikaayat hai aapko
main kya hoon ek baar bata dijiye mujhe..

Apne hone ka pata de dena
kabhi guzro to sada de dena
yaad aa jaaun ibaadat mein agar
haath utha ke bus dua de dena..