Mujhe Kyun Rokte Ho Uski Pooja Se Usay Koi Nahi Rokta Quotes

Mujhe kyun rokte ho uski pooja se
Usay koi nahi rokta ke woh devta na lage..

Jo mere pyaar mein shiddat thi kal, woh aaj nahi
tumhara weham hai aur weham ka ilaaj nahi..

Raaste badal jaate hain, manzilein badal jaati hain,
kyun nahin badalte dil jo taqdeerein badal jaati hain,
dil wahi rehta hai, yaadon ki annginat parchaaiyaan le ke,
aankhon ki nami chupa kar, nazrein badal jaati hain,
rooh rehti hai har lamha ashk-baar, lab hanste hain,
bahar aur andar ki kis tarah fizaaein badal jaati hain,
koi hota hai rafta-rafta zindagi se door, bahut door,
haathon ki yeh lakeerein kyun aksar badal jaati hain..!!

Hum nahi ae baad-e-saba teri karam ke mohtaaj
hum to khushbu hain bikharne ka hunar rakhte hain..

Kuch aisi be-sakooni hai wafa ki sarzameeno mein
jo ehl-e-muhabbat ko sada be-chein rakhti hai..

Kati hai raat to hungama-gustari mein teri,
seher kareeb hai allah ka naam le saaki.. - Iqbal

Details:
hungama-gustar means carpets of noise.
seher means morning.

Ab meri deed ki dunya bhi tamaa-shaai hai
Tu ne kya mujh ko mohabbat main bana rakha hai..