Woh Mujhe Bhoolne Ki Fikr Mein Hain Yeh Meri Fateh Hai Quotes

Maikhane mein jaam toot jata hai
ishq mein dil toot jaat hai
na jane kya rishta hai dono mein
jaam toote to ishq yaad aata hai
dil toote to jaam yaad aata hai..

Aksar woh meri nazm ka unwaan raha hai
lekin woh meri mohabbat se anjaan raha hai
kuch kaha na kabhi is dar se ki bura maan na jaye
magar woh ab isii baat ka bura maan raha hai..

Zaroori to nahi jeene ke liye sahara ho
zaroori to nahi hum jinke hain woh humara ho
kuch kashtiyan doob bhi jaya karti hain
zaroori to nahi har kashti ka kinara ho..

Phir paish-e-nazar surat-e-mehtab hai koi
ya meri nigahon mein naya khawab hai koi
yeh baat garaan khawab ko ab kaun bataye
tere liye is raat mein be-khawab hai koi
palkon pe jo roshan hai sar-e-sham-e-tamanna
woh ashk nahi gohar-e-nayaab hai koi
yeh sirf karishma hai meri chashm-e-talab ka
sehra mein kahan gulshan-e-shadaab hai koi
nawaqif-e-adaab-e- mohabbat ko khabar kya
kab se raah-e-umeed mein betaab hai koi..

Hum jee rahe the unka naam lekar
woh guzarte the hamara salaam lekar
ek din woh keh gaye bhula do humko
humne poocha kaise
woh chale gaye haath mein jaam dekar..