Mita De Apni Hasti Ko Agar Kuchh Martabaa Chaahiye Ki Daanaa Quotes

mita de apni hasti ko agar kuchh martabaa chaahiye
ki daanaa khaak mein mil kar gul-e-gulzaar hota hai..

Raaste badal jaate hain, manzilein badal jaati hain,
kyun nahin badalte dil jo taqdeerein badal jaati hain,
dil wahi rehta hai, yaadon ki annginat parchaaiyaan le ke,
aankhon ki nami chupa kar, nazrein badal jaati hain,
rooh rehti hai har lamha ashk-baar, lab hanste hain,
bahar aur andar ki kis tarah fizaaein badal jaati hain,
koi hota hai rafta-rafta zindagi se door, bahut door,
haathon ki yeh lakeerein kyun aksar badal jaati hain..!!

Ye ab khulaa hai ki koi bhi manzar mera na tha
main jis mein reh raha tha wahi ghar mera na tha..

Na ghubar mein na gulab mein mujhe dekhna
mere dard kee aab-o-taab mein mujhe dekhna
kisi dhun mein tum bhee jo bastiyon ko tyag dou
isee rah-e-khana-e-kharaab mein mujhe dekhna..

- Azeez Jehan (Ada Jafri)
modern-age First Lady of Urdu Poetry

Yeh aise hi nahi ban jaate hain sher
aise hi nahi ho jaati hai shaayari
inke peeche hoti hain kuch unsuni kahaaniyan
hoti hain inke peeche kuch bebas zindgaaniyan..

Lahaq hai yahan marz muhabbat ka sabhi ko
is shehar ke logon mein waba aam bohat hai
har darja sharafat ka libada hai orha
aur dil mein haqarat ki bala aam bohat hai
rishton ke yahan paas to rakhte hain sabhi par
hairat hai ke lutne ki sada aam bohat hai
daawa hai ke har fard wafadaar hai yahan
hai darj kitabon mein jafa aam bohat hai
tum naik tamannaein to rakhte ho bahut Qateel
is shehar mein naiki ki saza aam bahut hai..

Pata laga tera but-khaane mein na kaabe mein
Phire talaash mein teri kahan kahan se.. - Janaab Nawab Syed Mohammad Khan Rind