Maikade Se Jo Nikala Meri Tauba Ne Jaleel Muddaton Sheesha-o-saaghir Ne Quotes

Maikade se jo nikala meri tauba ne Jaleel
Muddaton sheesha-o-saaghir ne mujhe yaad kiya.. - Hafeez Jaleel Hasan Jaleel Lakhnavi

Lagtaa nahi hai dil mera ujre dayaar mein
kiss ki baani hai aalame-naapaaidaar mein

Umar-e-daraaz maang kar laye the char din
do aarzoo mein kat gaye, do intezaar mein

Keh do in hasraton se kahiin aur jaa baein
itnii jagah kahaan hai dil-e-daaghdaar mein

Kitna hai badnaseeb zafar dafan ke liye
do gaz zameen bhi naa mili kue-yaar mein.. - Bahadur Shah Zafar, the last Mughal emperor

Hosla karte hain jeene ka magar hota nahi
zindagi ka yeh safar kyun mukhtasir hota hai
akal ka deewangi se wasta kesa bhala
ishq meri jaan kabhi soch kar hota nahi..

Usne tora woh taalluq jo meri zaat se tha
usko ranj na jaane meri kis baat se tha
laa-taalluq raha logo ki tarah woh bhi
jo achchi tarha waaqif mere halaat se tha..

Isi khayal se aansoo chupaa liye humne
udaas reh ke kisi ko udaas kya karna..

Isse pahle ke hawaa shor machaane lag jaaye,
Mere Allah, Meri khaak tthikaane lag jaaye

Ghere rahte hai.n kaii khwaab meri aankho.n ko,
Kaash kuchh der mujhe neend bhi aane lag jaaye

Saal bhar Eid ka rastaa nahi dekha jaata,
Woh gale mujhse kisi aur bahane lag jaye

- Dr. Rahat Indori

Chalti hai ab to saans bhi is ehtiyaat se
jaise guzar rahi ho kisi pul siraat se..