Mujh Ko Rula Kar Woh Bhi Roya To Hoga Mooh Aansuon Quotes

Mujh ko rula kar woh bhi roya to hoga
mooh aansuon se usne bhi dhoya to hoga
agar na kiya hai haasil kuch humne pyaar mein
kuch na kuch usne bhi khoya to hoga..

Tumhaare bas mein agar ho toh bhool jao humein..
Tumhein bhoolne mein shaayad humein zamane lagein..

Seene mein chupaye rakhna meri yadon ke ujaale
na jaane kis gali mein, zindagi ki shaam ho jaye..

Qaid tha dil mein tera hi dard ta-umar ke liye,
Mar rahi thi har aarzu dard ke is safar mein..

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Ye hum tasleem karte hain hume fursat nahi milti
magar yeh bhi zara socho tumhain jab yaad karte hain zamaana bhool jaate hain..

Tujh se bichar ke hum bhi mukaddar ke ho gaye
Phir jo bhi darr mila hai ussi darr ke ho gaye..