Koi Ye Faraz Poochhe Yeh Junoon Nahi To Kiya Hai Ke Quotes

Koi ye Faraz poochhe yeh junoon nahi to kiya hai
Ke usi ke ho ke reh gaye jo na ho saka humara..

Kar guzaarish khuda se 'abhi' tu apne liye,
ki jee le ek aur din tu kisi ke liye,
har nayi mushkil se kyun ghabrata hai tu,
ek umar guzarti hai tajurbon ke liye,
saaki ne band kiye maikadaa'n ke darwaaze,
paimaano ki zaroorat nahi nigaahon se peene ke liye,
furkat-e-yaar mein bekaraar hai 'abhi',
aur mausam bhi tayyaar hai barasne ke liye,
doosre ke girebaa'n mein jhaankta hai jo,
ek nazar rakhe apne girebaa'n ke liye bhi..
- Abhishek Tanwar

Kaise likhoge mohabbat ki kitab
tum to karne lage pal-pal ka hisaab
Khushak patto ka mausam lekar
Aag ke sheher mein rehte ho janaab..

Nafraton ka nisaab pad kar mohabbaton ki kitaab likhna
bahut katthin hai khizaan ke maathey pe daastaan-e-gulaab likhna..

Yun na mil mujhse khafa ho jaise,
saath chal mauj-e-darya ho jaise

Log yun dekh kar hansi dete hain,
tu mujhe bhool gaya ho jaise

Ishq ko sherek ki had tak na badha,
yun na mil humse jaise ho khuda

Maut bhi aai to iss naaz ke saath,
mujh pe kia ho ehsaan jaise

Aise anjaan bane baithe ho,
tum ko kuch bhi na pata ho jaise

Hichkiyaan raat ko aati hi hain,
tune phir yaad kiya ho jaise

Zindagi beet rihi ha daalish,
ek be-jurm saza ho jaise..

Kisi bewafa ki khatir ye junoo faraz kab tak
jo tumhe bhula chuka hai use tum bhi bhool jao..

Wo ashak ban ke meri chasm-e-tar mein rehte hain
Ajeeb shaks hain paani ke ghar mein rehte hain..