Faasle Kurb Ki Pehchan Hua Karte Hain Be Sabab Log Pareshan Quotes

Faasle kurb ki pehchan hua karte hain
be sabab log pareshan hua karte hain
ye mumkin hai jahan toot kar chaha jaye
wahan bicharne ke imkan hua karte hain..

Hujoom-e-gham meri fitrat badal nahi sakta
main kya karoon, meri aadat hai muskuraane ki..

Kisi bewafa ki khatir ye junoo faraz kab tak
jo tumhe bhula chuka hai use tum bhi bhool jao..

Aaye hain to guftgu kijiye
dard hai be-intehaan kuch to marham kijiye
humne ki koshish bahut aapko manaane ki
hain ab bhi khafa to saza dijiye..

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Isi khayal se aansoo chupaa liye humne
udaas reh ke kisi ko udaas kya karna..

Khushboo teri dosti ki mujhe mehka jaati hai
teri har baat mujhe behka jaati hai
saans to bahut der leti hai aane mein
har saans se pehle teri yaad aa jati hai..