Tujh Se Lafzon Ka Nahi Rooh Ka Rishta Hai Mera Tu Quotes

Tujh se lafzon ka nahi rooh ka rishta hai mera
tu meri saanson mein tehleel hai khushbu ki tarah..

Mohsin gareeb log to tinkon ka dher hain
malbe mein dabb gaye to kabhi paani mein beh gaye..

Ajab baat hai woh mujhse khafa bhi raha
woh doston se mera haal poochta bhi raha
ajeeb rang mein ki usne guf-t-gu mujhse
labon pe chup thi nighaon se bolta bhi raha..

Kaise kahein ke usko bhi hum se koi lagao hai
usne to hum se aaj tak koi gila nahi kiya..

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Woh din.. woh mehfilein.. woh shagufta mijaaz log
Mouj-e-Zamana le gai jaane kahan-kahan..

Udaas dil ka thikana kisi ko kahan maaloom
hum apne aap se bichrre to phir jaane kahan honge..