Meri Nazar Se Tere Roop Ke Allaow Tak Bichi Hui Hai Quotes

Meri nazar se tere roop ke allaow tak
Bichi hui hai anna baraf mosamon jaisi
Shakeel Faaslay katt bhi gaye tau kya haasil
Main beqaraar samandar woh saahilon jaisi..

Dar badar ki saza se darte hain
khushak patte hawa se darte hain
aandhiyon se kabhi mohabbat thi mujhko
ab to baad-e-saba se darte hain..

Details:
Baad-e-saba means Subah ki hawa or morning breeze..

Kabhi zindgi se gilla ker ke roe
kabhi maut ki hum dua ker ke roe
ajab silsila hay namaz-e- mohabbat
qaza ker ke roay, ada ker ke roay..

Aankhon ki dehleez pe aa kar
sapne roz bikhar jaate hain..

Mohabbaton ki ye waardatein koi sunega to kya kahega
yeh behki-behki humari baatein koi sunega to kya kahega

raqaabaton ki qayaamaton se khandarein tabdeel ho rahi hain
humari chaahat ki kaa-e-naatein koi sunega to kya kahega

tumhare khat se ye lag raha hai ki rote rote likha hai tumne
yeh ankahi si tumhari baatein koi sunega to kya kahega

hum hi hain mazloom hum hi hain zaalim hum hi hain maqtool hum hi hain qaatil
hum hi hain mohre hum hi hain baesatein koi sunega to kya kahega

tere tasavvur ka aana jana mere takhayyul ki wadiyon mein
beghair dhole ki ye baaraatein koi sunega to kya kahega

Roz-e-eid gulaab chehron mein usko talash karta hoon
main apne aap se yeh sawaal karta hoon
woh ek shakhs jiska saath tha lamhe bhar ke liye
main uske waastey kyun dil udaas karta hoon..

Roshni auron ke aangan mein ganwaara na sahi
Kum se kum apne hi ghhar mein to ujaala kijiye..