Itni Shiddat Se Tumko Paane Ki Koshish Ki Hai Ke Zarre-zarre Quotes

Itni shiddat se tumko paane ki koshish ki hai
ke zarre-zarre ne tumse, milane ki saazish ki hai..

Mushkil kahan thay tark-e-taaluq ke marhalay
Ae dil sawaal magar teri zindagi ka tha..

Roshni auron ke aangan mein ganwaara na sahi
Kum se kum apne hi ghhar mein to ujaala kijiye..

Mohabbaton ki ye waardatein koi sunega to kya kahega
yeh behki-behki humari baatein koi sunega to kya kahega

raqaabaton ki qayaamaton se khandarein tabdeel ho rahi hain
humari chaahat ki kaa-e-naatein koi sunega to kya kahega

tumhare khat se ye lag raha hai ki rote rote likha hai tumne
yeh ankahi si tumhari baatein koi sunega to kya kahega

hum hi hain mazloom hum hi hain zaalim hum hi hain maqtool hum hi hain qaatil
hum hi hain mohre hum hi hain baesatein koi sunega to kya kahega

tere tasavvur ka aana jana mere takhayyul ki wadiyon mein
beghair dhole ki ye baaraatein koi sunega to kya kahega

mita de apni hasti ko agar kuchh martabaa chaahiye
ki daanaa khaak mein mil kar gul-e-gulzaar hota hai..

Yun tera intezaar karta hun
jaise main tujhko yaad hun ab tak..

Humari saltanat mai zara soch ke kadam rakhna
humari muhabbat ki qaid mai zamaanat nahi hoti..