Har Mor Pe Mil Jate Hain Hamdard Hazaron Shaayed Ke Meri Quotes

Har mor pe mil jate hain hamdard hazaron
shaayed ke meri basti mein adakaar buhat hain..

Yehi mizaaj hai apna kisi ka dil na dukhe
judaaiyon ko bhi chaaha hai qurbaton ki tarha..

Fir kahi dooor se ek baar sataa de mujhe,
meri tanhai ka ehsaas dila de mujhe,
tu to roshni hai tujhe meri zarurt kya hogi,
maine diya hun apni dehleez par hi jala de mujhe..

Kabhi kuch to kisi ke waaste dil se dua kar lo,
yahi insaaniyat ka farz hai, tum bhi ada kar lo,
koi bhi shakhs duniya mein tumhein chhota nazar na aaye,
tum apne sochne ka daayra itna bada kar lo,
humaari apni fitrat hai wafa karna, wafa kar lo,
tumhari apni marzi hai wafa karo, ya jafa kar lo,
ye duniya khubsoorat hai yaqeen aa jaayega tumko,
kisi se dil lagaane ki kabhi koi khata kar lo..

Roz-e-eid gulaab chehron mein usko talash karta hoon
main apne aap se yeh sawaal karta hoon
woh ek shakhs jiska saath tha lamhe bhar ke liye
main uske waastey kyun dil udaas karta hoon..

Hum nahi ae baad-e-saba teri karam ke mohtaaj
hum to khushbu hain bikharne ka hunar rakhte hain..

Dar badar ki saza se darte hain
khushak patte hawa se darte hain
aandhiyon se kabhi mohabbat thi mujhko
ab to baad-e-saba se darte hain..

Details:
Baad-e-saba means Subah ki hawa or morning breeze..