Mere Hisse Ki Zameen Banjar Thi Main Waqif Na Thaa Be-sabab Quotes

Meri nazar se tere roop ke allaow tak
Bichi hui hai anna baraf mosamon jaisi
Shakeel Faaslay katt bhi gaye tau kya haasil
Main beqaraar samandar woh saahilon jaisi..

Kabhi yak bayak tawajjo, kabhi dafatan taghaaful
mujhe aazma raha hai, koi rukh badal-badal ke..

Khushboo teri dosti ki mujhe mehka jaati hai
teri har baat mujhe behka jaati hai
saans to bahut der leti hai aane mein
har saans se pehle teri yaad aa jati hai..

Kya batain piyaar ki bazi wafa ki raah mein
Kaun jeeta kaun hara ye kahaani phir sahi
Nafraton kr teer kha kar doston ke shehar mein
Humne kis-kis ko pukara yeh kahani phir sahi..

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza