Tere Bagair Kabhi Chaein Se Basar Na Hui Yeh Aur Baat Quotes

Tere bagair kabhi chaein se basar na hui
yeh aur baat ke iss ki tujhe khabar na hui
main kehkashan mein bhi tujhko talash kar leta
yeh kehkashan bhi magar teri rahguzar na hui..

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Mujhe khushboo ki taraha baat uraane wale
tujh mein pehlay to na the rang zamanay wale
apni aasteenon mein chupaye hue khanjar aaye
mujh se yaaron ki taraha haath milaane wale..

Thukra ke usne mujhko kaha ke muskurao
main hans diya aakhir sawaal uski khushi ka tha
maine khoya woh jo mera tha hi nahi
usne khoya woh jo sirf uss ka tha..

Tum se bewafai ka koi gilla nahi hai
hum to faqat apna raqeeb dhoondte hain..

Tum mujhe bhool jao to yeh haq hai tumko
meri baat aur hai maine to mohabbat ki hai..

Raat Hui Jab Shaam Ke Baad
Teri Yaad Aayi Har Baat Ke Baad
Khamosh Reh Kar Bhi Humne Dekha
Teri Awaaz Aayi Har Sans Ke Baad..