Roothe Hi Rahein Mujhse Ye Manzoor Hai Lekin Yaaron Usse Samjhao Quotes

Roothe hi rahein mujhse ye manzoor hai lekin
yaaron usse samjhao mera shehar na chore..

Tum milo na milo, milne ka gham nahi
tum pas say guzar jao, ye milne se kam nahi
mana ke tumhe, humari qadar nahi
magar un se poocho, jinhe haasil hum nahi..

Mujhe khushboo ki taraha baat uraane wale
tujh mein pehlay to na the rang zamanay wale
apni aasteenon mein chupaye hue khanjar aaye
mujh se yaaron ki taraha haath milaane wale..

Badla jo waqt gehri rafaaqat badal gai
Suraj dhala to saae ki surat badal gai
Ik umar tak main uski zaroorat bana raha
Phir yun hua ke uss ki zaroorat badal gai..

Hum charagh-e-shub hi jab thehre to phir kia sochna
raat thi kiss ka muqaddar aur sahar dekhega kaun
har koi apni hawa mein mast firta hai Faraz
is shehr-e-napursaan mein teri chashm-e-nam dekhega kaun..

Ehsaas badal deta hai har dard ki shiddat
mehsoos karogey to kasak aur badhegi..

Har nazar nazar mein ek kashish hoti hai,
har dil mein ek chahat hoti hai,
mumkin nahi har ek ke liye Taj Mahal banana,
par har dil mein ek Mumtaz zaroor rehti hai..