Roz-e-eid Gulaab Chehron Mein Usko Talash Karta Hoon Main Apne Aap Quotes

Roz-e-eid gulaab chehron mein usko talash karta hoon
main apne aap se yeh sawaal karta hoon
woh ek shakhs jiska saath tha lamhe bhar ke liye
main uske waastey kyun dil udaas karta hoon..

Woh ajnabi hai jaane kab chor de
hawa ka kiya pata kab rukh mor de
hum to har ek ke dl ko khush rakhte hain
magar kisi ka kiya pata ke kab dil tor de..

Maine dushman ko bhi ahsaas-e- mohabbat bakhsha
Merey apne Mujhe Nafrat ki saza dete hain..

Apni sochein safar mein rehti hain
us ko paane ki jus-ta-ju dekho..

Har lafz ko hakayat banaya
Har manzar mein tujhe paya
Khawaishon ke sahil par
Ek poudha yaadon ka lagaya
Phir bhi Tamaam umar humne
Apni rooh ko payasa paya..

gair kya janiye kyon mujhko bura kehte hain
aap kehte hain jo aisa to bajaa kehte hain..

waakai tere iss andaaz ko kya kehte hain
na wafa kehte hain jiss ko na jafa kehte hain..

ho jinhen shaq wo karein aur khudaon ki talaash
hum to insaan ko duniya ka khuda kehte hain..

teri suratt nazar hai teri surat se alaag
husn ko ahal-e-nazar husn numa kehte hain..

shikawe hizr kare kiss dil se
hum khud apne ko bhi apne se juda kehte hain..

teri rudade sitam ka hai baya naa-mumkiin
fayeda kya hai magar yun zaraa kehte hain..

log jo kuch bhi kahein teri sitam koshi ko
hum to in baaton ko achchha na bura kehte hain..

auron ka tajurba jo kuchh ho magar hum to "Firaq"
talkhie zist ko jeene ka mazaa kehte hain..

- Firaq Gorakhpuri

Patthar mujhe kehta hai mera chaahne-wala
Main moum hun uss-ne mujhe choo kar nahi dekha

Woh meri masaael ko samajh hi nahi sakta
Jis ne meri aankhon mein samander nahi dekha..