Yeh To Sach Hai Ke Sar-e-koocha-o-bazaar Bike Yeh Bhi Sach Hai Quotes

Yeh to sach hai ke sar-e-koocha-o-bazaar bike
yeh bhi sach hai ke tere naam pe har baar bike
apni auqaat to ek jins-e-giraan si bhi na thi
tere kooche main to aa aa ke khareed-daar bike..

Tum se bewafai ka koi gilla nahi hai
hum to faqat apna raqeeb dhoondte hain..

Tujh se lafzon ka nahi rooh ka rishta hai mera
tu meri saanson mein tehleel hai khushbu ki tarah..

Shaam hote hi chiraagon ko bujha deta hun
yeh dil hi kaafi hai teri yaad mein jalne ke liye..

Yeh to sach hai ke sar-e-koocha-o-bazaar bike
yeh bhi sach hai ke tere naam pe har baar bike
apni auqaat to ek jins-e-giraan si bhi na thi
tere kooche main to aa aa ke khareed-daar bike..

Mohabaat mukkadar hai ek khwab nahi
yeh wo adaa hai jis mein sab kaam-yaab nahi
jinhe panaah mili ungliyo pe gin lo unhe
jo katal hue unka kuch hisaab nahi..

Woh dil hi kya tere milne ki jo dua na kare,
main tujhko bhool ke zinda rahun khuda na kare..

rahega saath tera zindagi bankar,
yeh aur baat meri zindagi wafa na kare..

yeh theek hai koi marta nahi judaai mein,
khuda kisi ko kisi se magar pyaar juda na kare..

agar wafa pe bharosa rahe na duniya ko,
to koi shaks muhabbat ka hausla na kare..

suna hai unko muhabbat duaayein deti hai,
jo dil pe chot khaayein magar gila na karein..

zamaana dekh chuka hai parakh chuka hai,
'katil' jaan se jaaye magar iltajaa na kare.. - 'Katil' Shifaai