Maut Apni Na Amal Apna Kho Gaya Shorishe-geti Mein Karina Apna Nakhuda Quotes

Maut apni na amal apna
kho gaya shorishe-geti mein karina apna

nakhuda door, hawa tez, karin kaame-nahang
waqt hai fenk de lehron mein safeena apna

arsa-e-dah ke hungaame tahe-khwaab sahi
garm rakh aatishe-pekaar se seena apna

saakiya ranj na kar jaag uthegi mehfil
aur kuch der utha rakhte hain peena apna

beshkeemat hain yeh gham haaye- mohabbat mat bhool
zulmate-yaas ko mat saunp khajeena apna.. - Faiz Ahmed Faiz

Details:
Amal - work
shorishe-geti - hue and cry of the world
karina - method
nakhuda - driver of boat
karin - near
kaame-nahang - mouth of crocodile
safeena - boat
arsa-e-dah - span of life
tahe-khwaab - not visible due to sleep
aatishe-pekaar - fire of struggle
haaye-mohabbat - sorrow of love
zulmate-yaas - despair alike darkness
khajeena - treasure

Aag lehraa ke chali hai aise anchal kar do
tum mujhe raat ka jalta hua jungle kar do
chand sa mesrra akela hai mere kaghaz par
cchat par aa jao mera sher mukammal kar do
main tumhe dil ki seeyasat ka hunar deta hun
ab usay dhoop bana do mujhe badal kar do
apne aangan ki udaasi se zara baat karo
neem ke sookhe hue ped ko sandal kar do
tum mujhe chor ke jaoge to mar jaaoonga
yun karo jaane se pehle mujhe paagal kar do..

Na ghubar mein na gulab mein mujhe dekhna
mere dard kee aab-o-taab mein mujhe dekhna
kisi dhun mein tum bhee jo bastiyon ko tyag dou
isee rah-e-khana-e-kharaab mein mujhe dekhna..

- Azeez Jehan (Ada Jafri)
modern-age First Lady of Urdu Poetry

Tu chaand hai is zameen ka aur main sooraj
yahi wajah hai ke apne darmiyaan doori hai
rok na mujhko dekh zidd na kar
teri chaandni ke liye mera doobna zaruri hai..

Apne hone ka pata de dena
kabhi guzro to sada de dena
yaad aa jaaun ibaadat mein agar
haath utha ke bus dua de dena..

Yeh raaste bhi ajeeb hote hain
bas apne apne naseeb hote hain
rehte hain jo nighahon se door
woh hi dil ke bahut kareeb hote hain..

Mere khawabon ka har naqsh mita de koi
sookhe patton ka yeh dhair jala de koi
meri pehchaan ka ik shakhs is sheher mein hai rehta
main bhi zinda hun zara uss ko bata de koi..