Lagtaa Nahi Hai Dil Mera Ujre Dayaar Mein Kiss Ki Baani Quotes

Lagtaa nahi hai dil mera ujre dayaar mein
kiss ki baani hai aalame-naapaaidaar mein

Umar-e-daraaz maang kar laye the char din
do aarzoo mein kat gaye, do intezaar mein

Keh do in hasraton se kahiin aur jaa baein
itnii jagah kahaan hai dil-e-daaghdaar mein

Kitna hai badnaseeb zafar dafan ke liye
do gaz zameen bhi naa mili kue-yaar mein.. - Bahadur Shah Zafar, the last Mughal emperor

Gull shaakh se bicchre to kahi ka nahi rehta Wasi
Tum khud ko juda meri zaat se kuch soch ke karna..

Har taraf dhund hai, jugnu hai na charag koi,
Kaun pehchanega, basti mein agar jaaoonga..

Yeh to sach hai ke sar-e-koocha-o-bazaar bike
yeh bhi sach hai ke tere naam pe har baar bike
apni auqaat to ek jins-e-giraan si bhi na thi
tere kooche main to aa aa ke khareed-daar bike..

Mere aaine mein ek shikast chehra hai
Munsif ke aas-paas ek ilzaam thehra hai

Bhanwar se jaan bachaake idhar aa gaye
Jahaan duur-duur tak bas ek sehra hai

Waar ko bhool jaayenge kisi roz, magar
Chot dil pe hai aur ghaav bhi gehra hai

Aankhon ki nami se dhundli hai nazar
Ya phir naseeb pe chhaaya kohra hai

Ab mere liye maqtal sajao
Suna hai qurbaaniyat ka anjaam sunehra hai.. - Anand Halve

Details:
shikast - defeated; Munsif - judiciary/judge; ilzaam - accusation

Bhanwar - whirlpool; Sehra - desert

Ghaav - wound

Kohra - mist, dhund

Maqtal - place of slaughter or execution

Majboor na hote jo tabiyat se Zaheer! Aah
Ghar ghair ke kyun dekhne jaate teri surat.. - Qazi Mohammad Zaheeruddin Zaheer Lakhnavi

Faisle chand mujhe aise bhi lene honge
jinse tum ittefaq na rakho,
dekhte hain yeh
jumbish-e-junoon kahan tak jaata hai..