Phir Paish-e-nazar Surat-e-mehtab Hai Koi Ya Meri Nigahon Mein Naya Khawab Quotes

Phir paish-e-nazar surat-e-mehtab hai koi
ya meri nigahon mein naya khawab hai koi
yeh baat garaan khawab ko ab kaun bataye
tere liye is raat mein be-khawab hai koi
palkon pe jo roshan hai sar-e-sham-e-tamanna
woh ashk nahi gohar-e-nayaab hai koi
yeh sirf karishma hai meri chashm-e-talab ka
sehra mein kahan gulshan-e-shadaab hai koi
nawaqif-e-adaab-e- mohabbat ko khabar kya
kab se raah-e-umeed mein betaab hai koi..

Rizzaq-e-do-jahan ke khazane ko kiya hua
Milta hai ghum woh bhi kisi ka diya hua..

Door jaane ka hosla na hua, door hokar bhi mujh se woh juda na hua
usey milke kisi se kya milte, uss jaisa koi dossra na hua..

Taras jaoge tum mehfil-e-wafa ke liye
kisi se pyaar na karna Khuda ke liye
jab lagegi ishq ki adalat ek din
tumhi chune jaoge sazaa ke liye..

Mere hisse ki zameen banjar thi main waqif na thaa
be-sabab mein ilzaam main detaa rahaa barsaat ko..

Kitna pyaar diya usse par mila kuch bhi nahi
itni gehri chaahat ka haasil-o-hasool kuch bhi nahi

woh humse khafa the to jaan nikal gayi thi humaari
hum unse khafa hain to unko malaal kuch bhi nahi

is kadar dukh diye hain na jaane kis khata par
par hum bhi sabar kar gaye aur kiya sawaal kuch bhi nahi

uski khushi mein hansne waale khaas hain uske liye
dukh mein uske saath hum, humaari misaal kuch bhi nahi..

Na pooch kitna lutf in musafaton mein hai
tera ghar ab bhi mere raston mein hai
sardiyon ki raat mein woh chaand dekhna
teri pasand ab bhi meri aadaton mein hai..