Kiya Karti Hoon Tanhai Main Ashkon Se Wuzu Aksar, Tassawur Mein Quotes

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Koi mausam ho dukh sukh mein guzara kaun karta hai,
parindon ki tarah sab kuch ganwara kaun karta hai
wazeeron se sifarish ki tamanna hum nahi karte,
humein maaloom hai zarre ko taara kaun karta hai..
- Dr. Rahat Indori

Muddat ke baad dekh kar uss shakhs ko Munir
Ek baar dil tau dharka magar phir sambhal gaya..

Ajjab soorat-e-haal hoti jaa rahi hai
raat ke baad raat hoti jaa rahi hai

woh to ab bhi mukammal hai pathar ki tarha
raiza-raiza meri zaat hoti jaa rahi hai

main to aaj bhi tanha hoon kal ki tarha "Wasi"
saari kaainaat uss ke saath hoti jaa rahi hai..

Meri nazar se tere roop ke allaow tak
Bichi hui hai anna baraf mosamon jaisi
Shakeel Faaslay katt bhi gaye tau kya haasil
Main beqaraar samandar woh saahilon jaisi..

Woh bhi ajeeb shakhas tha ke jiss ki zaat par
jab aitbaar badh gaya to ekhtiaar na raha..

Main neend ka shaukeen toh nahi, lekin
kuch khwaab na dekhu toh guzaara nahi hota..