Kabhi Kuch To Kisi Ke Waaste Dil Se Dua Kar Quotes

Kabhi kuch to kisi ke waaste dil se dua kar lo,
yahi insaaniyat ka farz hai, tum bhi ada kar lo,
koi bhi shakhs duniya mein tumhein chhota nazar na aaye,
tum apne sochne ka daayra itna bada kar lo,
humaari apni fitrat hai wafa karna, wafa kar lo,
tumhari apni marzi hai wafa karo, ya jafa kar lo,
ye duniya khubsoorat hai yaqeen aa jaayega tumko,
kisi se dil lagaane ki kabhi koi khata kar lo..

Aaye hain to guftgu kijiye
dard hai be-intehaan kuch to marham kijiye
humne ki koshish bahut aapko manaane ki
hain ab bhi khafa to saza dijiye..

Mujh se hogi nahi duniya yeh tijarat dil ki
main karun kya ke mera zehan hai khawabon waala..

Yaadon ke haashiye bhi ahem hain buhat Mohsin
deemak lagi kitaab ko aahisata kholiye..

Zakham itne gehre hain izhaar kya karein
hum khud nishana ban gaye hain waar kya karein
mar gaye hum magar khuli rahi aankhein
ab is se zyada unka intezaar kya karein..

Zindagi to kab ki ho chuki khaamosh
dil to bas aadatan dhadakta hai..

Woh hairaan hain humaare zabt pe keh do qaatil inse
jo daaman pe nahi girta woh aansoo dil pe girta hai..