Talaash Meri Thi Aur Bhatak Raha Tha Woh Dil Mera Tha Quotes

Talaash meri thi aur bhatak raha tha woh
dil mera tha aur dharak raha tha woh
pyaar ka taalluq ajeeb hota hai Faraz
pyaas meri thi aur sisak raha tha woh..

Jo ek lafz ki khushboo na rakh saka mehfooz
main uss ke hath main saari kitaab kya deta..

Kuch aisi be-sakooni hai wafa ki sarzameeno mein
jo ehl-e-muhabbat ko sada be-chein rakhti hai..

Na ghubar mein na gulab mein mujhe dekhna
mere dard kee aab-o-taab mein mujhe dekhna
kisi dhun mein tum bhee jo bastiyon ko tyag dou
isee rah-e-khana-e-kharaab mein mujhe dekhna..

- Azeez Jehan (Ada Jafri)
modern-age First Lady of Urdu Poetry

Yeh din yeh raat mujhe achche se lagte hain
Tumhe sochoon to saare silsile achche se lagte hain
bahut door talak chalna phir bhi wahi rehna
mujhe tum se tum tak ke faasle achche se lagtay hain..

Kya aise kam sukhan se koi guf-ta-gu kare
jo mustaqil sukoot se dil ko lahoo kare
ab to humein bhi tark-e-taalluq ka gham nahi
par dil yeh chahata hai keh aaghaaz tu kare..

Tamaam umar mein har azaan ke baad
ik imtihaan se guzri hun main har imtihaan ke baad
khuda kare ke kahien aur gardish-e-takdeer
kise ka ghar na ujre mere makaan ke baad..