Aa Ke Le Ja Meri Aankh Ka Pani Mujh Se Kyun Quotes

Aa ke le ja meri aankh ka pani mujh se
kyun hasad karti hai daryaon ki rawani mujh se
gosht nakhun se alag kar ke dikhaya maine
uss ne pooche the judaai ke maine mujhse..

Mohabbat ka yaaron sila kuch nahi
ek gham ke siwa mila kuch nahi
saare armaan mere jal ke raakh ho gaye
log kehte hain phir bhi jala kuch nahi..

Majrooh! Likh rahe hai voh ahl-e-vafa ka naam
Ham bhi khade huye hai gunahgaar ki tarah.. - Majrooh Sultanpuri

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Hujoom-e-gham meri fitrat badal nahi sakta
main kya karoon, meri aadat hai muskuraane ki..

Majboor na hote jo tabiyat se Zaheer! Aah
Ghar ghair ke kyun dekhne jaate teri surat.. - Qazi Mohammad Zaheeruddin Zaheer Lakhnavi

Muhabbatein kabhi zanjeer-e-paa nahi hoti
na chal sako jo ikkatthe to bichhar jaao doston ki tarha..