Taluq Ab Yahan Kam Hai Mulaqatein Hain Bahut Zyada Hajoom-e-shehar Mein Quotes

Taluq ab yahan kam hai mulaqatein hain bahut zyada
hajoom-e-shehar mein har shahks tanha ho gaya hai
main tujhse saath bhi to umar bhar ka chahta tha
so ab tujh se gila bhi umar bhar ka ho gaya hai..

Bujh chuke chiraag dairo haram ke,
Dil jalaao ki roshni kam hai..

Taras jaoge tum mehfil-e-wafa ke liye
kisi se pyaar na karna Khuda ke liye
jab lagegi ishq ki adalat ek din
tumhi chune jaoge sazaa ke liye..

Takhallus hi kaafi hone chahiye
qabiliyat ka jaiza karne ke liye…. Sheikh Amirullah Tasleem Lakhnavi

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Kabr ki mitti utha ke le gaya koi
isi bahaane choo kar chala gaya koi
tanhai mein khush the hum to lekin
fir se intezaar karne ki
wajah de gaya koi..

Faasle kurb ki pehchan hua karte hain
be sabab log pareshan hua karte hain
ye mumkin hai jahan toot kar chaha jaye
wahan bicharne ke imkan hua karte hain..