Tum Mujhe Bhool Jao To Yeh Haq Hai Tumko Meri Baat Quotes

Tum mujhe bhool jao to yeh haq hai tumko
meri baat aur hai maine to mohabbat ki hai..

Mujay aksar sitaron se yahi aawaaz aati hai
Kisi ke hijar mein neendein ganwaa ker kuch nahi milta
Jigar ho jayega chalni yeh aankhaein khoon royengi
Wasi bay faiz logon se nibhaa ker kuch nahi miltaa..

Ye adaa-e-beniyaazii tujhe bewafa mubaarak
magar aisi bhi be-rukhii kya ke salam tak nahi..

Maut apni na amal apna
kho gaya shorishe-geti mein karina apna

nakhuda door, hawa tez, karin kaame-nahang
waqt hai fenk de lehron mein safeena apna

arsa-e-dah ke hungaame tahe-khwaab sahi
garm rakh aatishe-pekaar se seena apna

saakiya ranj na kar jaag uthegi mehfil
aur kuch der utha rakhte hain peena apna

beshkeemat hain yeh gham haaye- mohabbat mat bhool
zulmate-yaas ko mat saunp khajeena apna.. - Faiz Ahmed Faiz

Details:
Amal - work
shorishe-geti - hue and cry of the world
karina - method
nakhuda - driver of boat
karin - near
kaame-nahang - mouth of crocodile
safeena - boat
arsa-e-dah - span of life
tahe-khwaab - not visible due to sleep
aatishe-pekaar - fire of struggle
haaye-mohabbat - sorrow of love
zulmate-yaas - despair alike darkness
khajeena - treasure

Muddat ke baad dekh kar uss shakhs ko Munir
Ek baar dil tau dharka magar phir sambhal gaya..

Mohsin gareeb log to tinkon ka dher hain
malbe mein dabb gaye to kabhi paani mein beh gaye..

Toot na jaaye tujh par mere pyaar ki shiddat Faraz
tu samandar ki tarha khamosh na raha kar..