Zakham Itne Gehre Hain Izhaar Kya Karein Hum Khud Nishana Ban Quotes

Zakham itne gehre hain izhaar kya karein
hum khud nishana ban gaye hain waar kya karein
mar gaye hum magar khuli rahi aankhein
ab is se zyada unka intezaar kya karein..

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Tujh se lafzon ka nahi rooh ka rishta hai mera
tu meri saanson mein tehleel hai khushbu ki tarah..

Mujhe apni chaadar mein is tarah dhaanp lo
zameen asmaan kuch dikhaai na de
khuda aise ehsaas ka naam hai
rahe saamne aur dikhaai bhi na de..

Be-Faida hai Zeest main Ahbaab ka hajoom
Ho pekar-e-Khaloos to kaafi hai ek shakhs..

Ab jis ke bhi dil mein aae wohi paae roshni
Hum ne to dil jala kar sar-e-aam rakh diya..

Khwaishon ke bharose kuch dur chale aaye hum
karni thi tumse kuch baatein vo kar na paye hum
dil mein the armaan dabe jo vo bayaan kar na paye hum
khwaishon ke bharose dur chale aaye hum..