Haadse Kya-kya Tumhaari Berukhi Se Ho Gaye Saari Duniya Ke Liye Quotes

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Kafan na dalo mere chehre pe
mujhe aadat hai muskurane ki
na dafnaao meri laash ko
mujhe ab bhi umeed hai uske aane ki..

Maine dushman ko bhi ahsaas-e- mohabbat bakhsha
Merey apne Mujhe Nafrat ki saza dete hain..

Mujrim nahi fir bhi sazaa-yaafta hun
is shehar mein gunaahgaar koi aur bhi hai..

Qatl hua mera yun kishto mein reh-reh kar
kabhi qaatil badal gaya
kabhi khanjar badal gaya..

Rone wale tujhe rone ka salika bhi nahi
ashq peene ke liye hain ya bahaane ke liye..

Mazhab nahi sikhaata aapas mein baer rakhna,
hindi hain hum, watan hai hindustaan humaara.. - Iqbal