Haath Uthe Hain Magar Lab Pe Dua Koi Nahi Ke Ibadat Quotes

Haath uthe hain magar lab pe dua koi nahi
ke ibadat bhi woh jis ke jaza koi nahi
ye bhi waqt aana tha ab to gosh har aawaz hai
aur mere barbad-e-dil mein sada koi nahi

aa ke ab taslim kar lain tu nahi to main sahi
kon manega ke hum mein bevafa koi nahi
waqt ne wo khak udai hai ke dil ke dasht se
qafile guzre hain phir bhi naqsh-e-pa koi nahi

khud ko yun mahasur kar baitha hun apni zaat mein
manzilen chaaron taraf hain rasta koi nahi
kaise raston se chale aur kis jagah pahunche ‘faraz’
ya hujum-e-dostan tha sath ya koi nahi

Jiski aarzoo thi woh dilbar na mila
barso jiska intezaar kiya woh pal na mila
ajeeb khel hai yeh mohobbat ka
kisi ko hum na mile aur koi humein na mila..

Tujh se darkaar mohabbat hay mohabbat ke ewaz
Main nahi chaahta tujh pe koi ehsaan rahe..

Hum sa aehl-e-dil tujhe kahan milega
jo tere sitam bhi sahe aur tujhe dua bhi de..

Saath chalte kafile se is liye gafil raha,
manzilon ke baad bhi koi meri manzil raha.

woh masiha tha ya katil ya bewafa,
woh har ek surat mein pyaar ke kabil raha.

us se izhar-e- mohabbat kar na paye lab kabhi,
ek jara sa kaam tha umar bhar mushkil raha.

aap isko kya kahenge behisi ya badkismati,
doobne wale ke bilkul samne sahil raha.

ek mohabbat de na paya de gaya sau gham humein,
woh mera mehboob bhi kya dariya dil raha.

Details:
Gafil - negligent/careless

Mumkin ho aap se to bhula dijiye mujhe
pathar pe hoon lakeer mita dijiye mujhe
har roz mujh se taaza shikaayat hai aapko
main kya hoon ek baar bata dijiye mujhe..

Theher-theher ki bahut dilkusha hai yeh manzar,
zaraa main dekh to lu taabnaki-e-shamsheer..
- Iqbal

Details:
taabnaki-e-shamsheer - shine of sword (talwaar ki chamak)