Zindagi Tujh Se Har Ik Saans Pe Samjhauta Karun Shauk Jeenr Quotes

Zindagi tujh se har ik saans pe samjhauta karun
shauk jeenr ka hai mujh ko magar itna to nahi..

Hujoom-e-gham meri fitrat badal nahi sakta
main kya karoon, meri aadat hai muskuraane ki..

Bahut dino baad yeh murad poori hogi
tum samne baitho to har baat poori hogi
na guzarana sar jhukake humare samne se
agar na dekh paaun chehra aapka kabhi
to tamaam zindagi adhuri hogi..

Har jurm meri zaat se mansoob hua hai
kya mere siwa shehar mein masoom hain saare..

Mat tol apni mohabbat ko be-naam taraazoo mein
tu kitna anmol hai kabhi mujh se to pooch..

Kabhi kuch to kisi ke waaste dil se dua kar lo,
yahi insaaniyat ka farz hai, tum bhi ada kar lo,
koi bhi shakhs duniya mein tumhein chhota nazar na aaye,
tum apne sochne ka daayra itna bada kar lo,
humaari apni fitrat hai wafa karna, wafa kar lo,
tumhari apni marzi hai wafa karo, ya jafa kar lo,
ye duniya khubsoorat hai yaqeen aa jaayega tumko,
kisi se dil lagaane ki kabhi koi khata kar lo..

Haath uthe hain magar lab pe dua koi nahi
ke ibadat bhi woh jis ke jaza koi nahi
ye bhi waqt aana tha ab to gosh har aawaz hai
aur mere barbad-e-dil mein sada koi nahi

aa ke ab taslim kar lain tu nahi to main sahi
kon manega ke hum mein bevafa koi nahi
waqt ne wo khak udai hai ke dil ke dasht se
qafile guzre hain phir bhi naqsh-e-pa koi nahi

khud ko yun mahasur kar baitha hun apni zaat mein
manzilen chaaron taraf hain rasta koi nahi
kaise raston se chale aur kis jagah pahunche ‘faraz’
ya hujum-e-dostan tha sath ya koi nahi