Aksar Woh Meri Nazm Ka Unwaan Raha Hai Lekin Woh Meri Quotes

Aksar woh meri nazm ka unwaan raha hai
lekin woh meri mohabbat se anjaan raha hai
kuch kaha na kabhi is dar se ki bura maan na jaye
magar woh ab isii baat ka bura maan raha hai..

Hum sa aehl-e-dil tujhe kahan milega
jo tere sitam bhi sahe aur tujhe dua bhi de..

Muddat se koi shaks rulaane nahi aaya
Jalti hui aankhon ko bujhaane nahi aaya
Kehta the hum saath jiyenge aur marenge
Ab Rooth gia hun to manaane nahi aya..

Kabhi kuch to kisi ke waaste dil se dua kar lo,
yahi insaaniyat ka farz hai, tum bhi ada kar lo,
koi bhi shakhs duniya mein tumhein chhota nazar na aaye,
tum apne sochne ka daayra itna bada kar lo,
humaari apni fitrat hai wafa karna, wafa kar lo,
tumhari apni marzi hai wafa karo, ya jafa kar lo,
ye duniya khubsoorat hai yaqeen aa jaayega tumko,
kisi se dil lagaane ki kabhi koi khata kar lo..

Bade wasooq se duniya fareb deti hai
bade khaloos se hum aitbar karte hain..

Aakhir zindagi ne bhi aaj pooch liya mujh se
Kahan hai woh shakhs jo tujhe mujh se bhi azeez tha..

Bebas kar deta hai kaanoon-e- mohabbat mujhe
warna tujhe itna chahun ke inteha kar dun..