Main Ek Aansu Hi Sahi Hun Buhat Anmool Magar Yun Palkon Quotes

Phir paish-e-nazar surat-e-mehtab hai koi
ya meri nigahon mein naya khawab hai koi
yeh baat garaan khawab ko ab kaun bataye
tere liye is raat mein be-khawab hai koi
palkon pe jo roshan hai sar-e-sham-e-tamanna
woh ashk nahi gohar-e-nayaab hai koi
yeh sirf karishma hai meri chashm-e-talab ka
sehra mein kahan gulshan-e-shadaab hai koi
nawaqif-e-adaab-e- mohabbat ko khabar kya
kab se raah-e-umeed mein betaab hai koi..

Koi taveez ho radd-e-balla ka
Mohabbat mere peeche par gayi hai..

Raat Hui Jab Shaam Ke Baad
Teri Yaad Aayi Har Baat Ke Baad
Khamosh Reh Kar Bhi Humne Dekha
Teri Awaaz Aayi Har Sans Ke Baad..

Ajjab soorat-e-haal hoti jaa rahi hai
raat ke baad raat hoti jaa rahi hai

woh to ab bhi mukammal hai pathar ki tarha
raiza-raiza meri zaat hoti jaa rahi hai

main to aaj bhi tanha hoon kal ki tarha "Wasi"
saari kaainaat uss ke saath hoti jaa rahi hai..

Na hota maikhana to deewane kahan jaate
na hota saaqi to paimaane kahaan jaate

Sari duniya mein agar andhere hi hote
yeh batao ke fir hum parwaane kahan jaate

Sabhi ko agar sab apne chahne wale mil jaien
socho aise mein fir yeh begaane kahan jaate

Na hoti teri gali to ae jaan-e-wafa
hum deewane raat bitane kahan jaate

Yeh mehfil hi apne liye ghaneemat hai yaaro
yeh na hoti to fir apni ghazal sunane kahan jate

Maikada hi apne liye hai behter warna tu ae Sagar
Fir dil ke dardon ko chuphane kahan jaate..