Main Ek Aansu Hi Sahi Hun Buhat Anmool Magar Yun Palkon Quotes

Saath chalte kafile se is liye gafil raha,
manzilon ke baad bhi koi meri manzil raha.

woh masiha tha ya katil ya bewafa,
woh har ek surat mein pyaar ke kabil raha.

us se izhar-e- mohabbat kar na paye lab kabhi,
ek jara sa kaam tha umar bhar mushkil raha.

aap isko kya kahenge behisi ya badkismati,
doobne wale ke bilkul samne sahil raha.

ek mohabbat de na paya de gaya sau gham humein,
woh mera mehboob bhi kya dariya dil raha.

Details:
Gafil - negligent/careless

Apni zindagi tere naam kar doon
khushiyaan tere liye qurbaan kar doon
chahta hoon ke tu zinda rahe
teri maut apne naam kar doon..

Woh wafa na nibha saka ye aur baat hai,
magar jo kiye they uss ne wo vaade ghazab ke they..

Hum charagh-e-shub hi jab thehre to phir kia sochna
raat thi kiss ka muqaddar aur sahar dekhega kaun
har koi apni hawa mein mast firta hai Faraz
is shehr-e-napursaan mein teri chashm-e-nam dekhega kaun..

Tumhein khabar hi nahi ke koi toot gaya
mohabbaton ko bahut paa-e-daar karte hue..