Ehsaas Badal Deta Hai Har Dard Ki Shiddat Mehsoos Karogey To Quotes

Ehsaas badal deta hai har dard ki shiddat
mehsoos karogey to kasak aur badhegi..

Kiss-se teri nazar ne sunaaye na phir kabhi
hum ne bhi dil ke daag dikhaaye na phir kabhi
ae yaad-e- dost aaj tu ji bhar ke dil dukhaa
shaayad ye raat hijr ki aaye na phir kabhi..

Abhi sooraj nahi dooba zaraa si shaam hone do
main khud hi laut jaaoonga, mujhe naa-kaam hone do

mujhe badnaam karne ke bahaane dhoondte ho kyun
main khud badnaam ho jaaoonga, pehle naam hone do

abhi mujhko nahi karna hai, aitraaf-e-shikast
main sab tasleem kar loonga, ye charcha aam hone do

meri hasti nahi anmol, phir bhi bik nahi sakta
wafaaein bech lena per zaraa neelaam hone do

naye aaghaz main hai hosla kyun haar baithe ho
jeet jaaoge sab kuch zaraa anjaam hone do..

Mujhe bhoolna mat, yaad rakhna.
meri wafa ka kuch khyaal rakhna
main phir aaonga naya zakhm khane ke liye
ek aur patthar sambhal kar rakhna..

Kehti hai meri kabr pe ro ro ke mohabbat "Faraz"
yun khaak mein milte huye armaan nahi dekhe..

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Lehron se milkar na woh beh sake na hum
ek dooje ke dil mein na woh reh sake na hum
jeet lete aasma ek din lekin, palkon ki khamoshi ko
honto se na woh keh sake na hum..