Kuch Apni Galtiyon Ka Azala Karo Wasi, Yun Nafraton Ko Dil Quotes

Kuch apni galtiyon ka azala karo Wasi ,
yun nafraton ko dil mein pala na karo Wasi ,
seedha sa ik sawal hai seedha jawab do,
yun muskura ke mujh ko na tala karo Wasi ,
alfaz gira dete hein jazbat ki qeemat,
jazbat ko lafzon mein na dhala karo Wasi ,
sambhle hue logon ke girne ki fikr choro,
jo gir rahe hain unko sambhala karo Wasi ..

Mere aaine mein ek shikast chehra hai
Munsif ke aas-paas ek ilzaam thehra hai

Bhanwar se jaan bachaake idhar aa gaye
Jahaan duur-duur tak bas ek sehra hai

Waar ko bhool jaayenge kisi roz, magar
Chot dil pe hai aur ghaav bhi gehra hai

Aankhon ki nami se dhundli hai nazar
Ya phir naseeb pe chhaaya kohra hai

Ab mere liye maqtal sajao
Suna hai qurbaaniyat ka anjaam sunehra hai.. - Anand Halve

Details:
shikast - defeated; Munsif - judiciary/judge; ilzaam - accusation

Bhanwar - whirlpool; Sehra - desert

Ghaav - wound

Kohra - mist, dhund

Maqtal - place of slaughter or execution

Aksar woh meri nazm ka unwaan raha hai
lekin woh meri mohabbat se anjaan raha hai
kuch kaha na kabhi is dar se ki bura maan na jaye
magar woh ab isii baat ka bura maan raha hai..

Na ho udaas woh tujh se agar nahi milta
yahaan kisi se koi umar bhar nahi milta
hua hai shehar tabha tujh ko to khabar hogi
bahut dino se mujhe apna ghar nahi milta
har ik mod pe milte hain sainkron chehre
main dhoond-ta hun jisse woh magar nahi milta..

Tere bagair kabhi chaein se basar na hui
yeh aur baat ke iss ki tujhe khabar na hui
main kehkashan mein bhi tujhko talash kar leta
yeh kehkashan bhi magar teri rahguzar na hui..

Ye hum tasleem karte hain hume fursat nahi milti
magar yeh bhi zara socho tumhain jab yaad karte hain zamaana bhool jaate hain..

Subhe-azal yeh mujhse kaha jibraeel ne,
jo akal ka ghulam ho woh dil na kar kabool.. - Iqbal

Details:
Subhe-azal means first day of creation of world.
jibraeel is the lord of kindness (daya ka farishta).