Mohabbaton Ki Ye Waardatein Koi Sunega To Kya Kahega Yeh Behki-behki Quotes

Mohabbaton ki ye waardatein koi sunega to kya kahega
yeh behki-behki humari baatein koi sunega to kya kahega

raqaabaton ki qayaamaton se khandarein tabdeel ho rahi hain
humari chaahat ki kaa-e-naatein koi sunega to kya kahega

tumhare khat se ye lag raha hai ki rote rote likha hai tumne
yeh ankahi si tumhari baatein koi sunega to kya kahega

hum hi hain mazloom hum hi hain zaalim hum hi hain maqtool hum hi hain qaatil
hum hi hain mohre hum hi hain baesatein koi sunega to kya kahega

tere tasavvur ka aana jana mere takhayyul ki wadiyon mein
beghair dhole ki ye baaraatein koi sunega to kya kahega

Mera hunar to meri jus-ta-ju mein rehta hai
ajab azaab-e-safar hai lahoo mein rehta hai
kisi ko dekho to meezan-e-harf mein par-kho
nasab ka wazn to har guf-ta-gu mein rehta hai..

Mohsin gareeb log to tinkon ka dher hain
malbe mein dabb gaye to kabhi paani mein beh gaye..

Aag lehraa ke chali hai aise anchal kar do
tum mujhe raat ka jalta hua jungle kar do
chand sa mesrra akela hai mere kaghaz par
cchat par aa jao mera sher mukammal kar do
main tumhe dil ki seeyasat ka hunar deta hun
ab usay dhoop bana do mujhe badal kar do
apne aangan ki udaasi se zara baat karo
neem ke sookhe hue ped ko sandal kar do
tum mujhe chor ke jaoge to mar jaaoonga
yun karo jaane se pehle mujhe paagal kar do..

Udaas dil ka thikana kisi ko kahan maaloom
hum apne aap se bichrre to phir jaane kahan honge..

Jaane kyun yeh kambakht nazar lag jaati hai
haseen raaton ke baad gham ki dhoop chaa jaati hai
kyun nahi thehar jaata hai yeh waqt us mod par
jahaan mere alfaazon se unke labo pe hansi aa jaati hai..

Maikhane mein jaam toot jata hai
ishq mein dil toot jaat hai
na jane kya rishta hai dono mein
jaam toote to ishq yaad aata hai
dil toote to jaam yaad aata hai..