Mustaqil Mujhi Ko Dekhti Rehti Hain Apni Nazar Pe Zara Nazar Quotes

Mustaqil mujhi ko dekhti rehti hain
apni nazar pe zara nazar rakhiye janaab..

Har jurm meri zaat se mansoob hua hai
kya mere siwa shehar mein masoom hain saare..

Bichar kar khat bhi na likha udaas yaaron ne
kabhi kabhi ki adhoori mulaqaat se bhi gaye..

Kya aise kam sukhan se koi guf-ta-gu kare
jo mustaqil sukoot se dil ko lahoo kare
ab to humein bhi tark-e-taalluq ka gham nahi
par dil yeh chahata hai keh aaghaaz tu kare..

Kitna pyaar diya usse par mila kuch bhi nahi
itni gehri chaahat ka haasil-o-hasool kuch bhi nahi

woh humse khafa the to jaan nikal gayi thi humaari
hum unse khafa hain to unko malaal kuch bhi nahi

is kadar dukh diye hain na jaane kis khata par
par hum bhi sabar kar gaye aur kiya sawaal kuch bhi nahi

uski khushi mein hansne waale khaas hain uske liye
dukh mein uske saath hum, humaari misaal kuch bhi nahi..

Ye nashist kya hai raah mein, terey zauq-e- ishq ko kya huwa
abhi chand kaantey chubhey nahi ke sab iraadey badal gaye..

Tamaam umar mein har azaan ke baad
ik imtihaan se guzri hun main har imtihaan ke baad
khuda kare ke kahien aur gardish-e-takdeer
kise ka ghar na ujre mere makaan ke baad..