Ab Jis Ke Bhi Dil Mein Aae Wohi Paae Roshni Hum Quotes

Khayaal ko kisi aahat ki aas rehti hai
nigah ko kisi surat ki pyaas rehti hai
tum bin kisi cheez ki kami to nahi
magar bin tere zindagi udaas rehti hai..

Mujhe khushboo ki taraha baat uraane wale
tujh mein pehlay to na the rang zamanay wale
apni aasteenon mein chupaye hue khanjar aaye
mujh se yaaron ki taraha haath milaane wale..

Mohabbaton ki ye waardatein koi sunega to kya kahega
yeh behki-behki humari baatein koi sunega to kya kahega

raqaabaton ki qayaamaton se khandarein tabdeel ho rahi hain
humari chaahat ki kaa-e-naatein koi sunega to kya kahega

tumhare khat se ye lag raha hai ki rote rote likha hai tumne
yeh ankahi si tumhari baatein koi sunega to kya kahega

hum hi hain mazloom hum hi hain zaalim hum hi hain maqtool hum hi hain qaatil
hum hi hain mohre hum hi hain baesatein koi sunega to kya kahega

tere tasavvur ka aana jana mere takhayyul ki wadiyon mein
beghair dhole ki ye baaraatein koi sunega to kya kahega

Theher-theher ki bahut dilkusha hai yeh manzar,
zaraa main dekh to lu taabnaki-e-shamsheer..
- Iqbal

Details:
taabnaki-e-shamsheer - shine of sword (talwaar ki chamak)

Rang kuch shokh se tasveer mein bhar kar dekho
zindagi shokh hai is shokh pe mar kar dekho
kitna pyara hai jahan kitni hasin hai ye hayat
dil ki jaanib bhi zara ek nazar kar dekho..