Tujhe Ye Shauq Ke Mohabbat Ki Bheekh Mangoon Main Meri Ye Quotes

Tujhe ye shauq ke mohabbat ki bheekh mangoon main
meri ye zidd ke taqaza mera usool nahin..

Woh dil hi kya tere milne ki jo dua na kare,
main tujhko bhool ke zinda rahun khuda na kare..

rahega saath tera zindagi bankar,
yeh aur baat meri zindagi wafa na kare..

yeh theek hai koi marta nahi judaai mein,
khuda kisi ko kisi se magar pyaar juda na kare..

agar wafa pe bharosa rahe na duniya ko,
to koi shaks muhabbat ka hausla na kare..

suna hai unko muhabbat duaayein deti hai,
jo dil pe chot khaayein magar gila na karein..

zamaana dekh chuka hai parakh chuka hai,
'katil' jaan se jaaye magar iltajaa na kare.. - 'Katil' Shifaai

Maine dushman ko bhi ahsaas-e- mohabbat bakhsha
Merey apne Mujhe Nafrat ki saza dete hain..

Jab log hi jazbon ki touqeer nahi kerte
hum bhi koi dukh apna tehreer nahi kerte
dil cheer jaata hai lehje ka ye rookha-pan
karti hai zubaan wo kuch jo teer nahi karte..

Chalo so jaate hain ab phir kisi sach ki talaash mein,
ki subha phir is jhooti duniya ka deedar karna hai..

Tumhaare bas mein agar ho toh bhool jao humein..
Tumhein bhoolne mein shaayad humein zamane lagein..

Kabhi yak bayak tawajjo, kabhi dafatan taghaaful
mujhe aazma raha hai, koi rukh badal-badal ke..