Yun To Sadmo Mein Bhi Hans Lete The Hum, Phir Aaj Quotes

Yun to sadmo mein bhi hans lete the hum,
phir aaj kyun bewajah rone lage hain hum,
barson se hatheli khaali rahi humaari,
phir aaj kyon lagta hai ki sab khone lage hain hum..

Pyaar karo to dhoka mat dena,
Pyaar ko aansuon ka tohfa mat dena,
dil se roye koi aapko yaad karke..
aisa kisi ko mauka mat dena.

Unko khabar hai mere toote armaano ki,
aaj zaroorat padegi kaanch ke paimaano ki,
khaali na hone dena jaam yaaro,
yaad aa jaayegi warna fir se guzre zamaano ki.

Mene to bhula hi diya tha use
kambakht dil ne fir yad kar liya
socha to tha naam bhi nahi loonga uska
par jab khuda ne poocha kya chaahiye tujhe
to honto ne bhi bade pyaar se uska naam le liya..

Aasmaan ke taare aksar poochte hain humse,
"Kya tumhe aaj bhi intezaar hai uske laut aane ka..?"
aur yeh dil muskura ke kehta hai,
"Mujhe to ab tak yakin nahi hua
uske chale jaane ka."

Na chaho itna humein,
chaahto se darr lagta hai,
na aao itna kareeb
ke judaai se darr lagta hai,
tumhaari wafaaon pe to bharosa hai magar
apne naseeb se darr lagta hai..

Na karta shikayat zamane se koi,
agar maan jata manane se koi,
kisi ko kyun yaad karta hai koi,
agar bhool jata hai bhulane se koi..