Bujh Chuke Chiraag Dairo Haram Ke, Dil Jalaao Ki Roshni Kam Quotes

Bujh chuke chiraag dairo haram ke,
Dil jalaao ki roshni kam hai..

Tum milo na milo, milne ka gham nahi
tum pas say guzar jao, ye milne se kam nahi
mana ke tumhe, humari qadar nahi
magar un se poocho, jinhe haasil hum nahi..

Tujh se bichar ke hum bhi mukaddar ke ho gaye
Phir jo bhi darr mila hai ussi darr ke ho gaye..

Husn waale wafaa nahi karte
daulat mand log dua nahi karte
hum qalander mijaaz hain
kisi ke liye bad- dua nahi karte..

Hasti ko mohabbat main fanha kaun karega
Yeh faraz zamaane main adaa kaun karega
Haathon ki lakeeron ko zara dekh najoomi
Yeh dekh mere saath wafa kaun kerega..

Juda huye hain bahut log ik tum bhi sahi,
ab itni si baat pe kya zindagi haraam karein.. - Nasir Kazmi

Phir paish-e-nazar surat-e-mehtab hai koi
ya meri nigahon mein naya khawab hai koi
yeh baat garaan khawab ko ab kaun bataye
tere liye is raat mein be-khawab hai koi
palkon pe jo roshan hai sar-e-sham-e-tamanna
woh ashk nahi gohar-e-nayaab hai koi
yeh sirf karishma hai meri chashm-e-talab ka
sehra mein kahan gulshan-e-shadaab hai koi
nawaqif-e-adaab-e- mohabbat ko khabar kya
kab se raah-e-umeed mein betaab hai koi..