Aaj Hum Unko Bewafa Bata Kar Aaye Hain Unke Khaton Ko Quotes

Aaj hum unko bewafa bata kar aaye hain
unke khaton ko paani mein baha kar aaye hain
koi nikaal kar padh na le unhein
iss liye paani mein bhi aag lagaa kar aaye hain..

Teri yaadein bhi tujh si zaalim hain Faraz
Jab dekhti hain tanha humein, sataane chali aati hain..

Faisle chand mujhe aise bhi lene honge
jinse tum ittefaq na rakho,
dekhte hain yeh
jumbish-e-junoon kahan tak jaata hai..

Maut apni na amal apna
kho gaya shorishe-geti mein karina apna

nakhuda door, hawa tez, karin kaame-nahang
waqt hai fenk de lehron mein safeena apna

arsa-e-dah ke hungaame tahe-khwaab sahi
garm rakh aatishe-pekaar se seena apna

saakiya ranj na kar jaag uthegi mehfil
aur kuch der utha rakhte hain peena apna

beshkeemat hain yeh gham haaye- mohabbat mat bhool
zulmate-yaas ko mat saunp khajeena apna.. - Faiz Ahmed Faiz

Details:
Amal - work
shorishe-geti - hue and cry of the world
karina - method
nakhuda - driver of boat
karin - near
kaame-nahang - mouth of crocodile
safeena - boat
arsa-e-dah - span of life
tahe-khwaab - not visible due to sleep
aatishe-pekaar - fire of struggle
haaye-mohabbat - sorrow of love
zulmate-yaas - despair alike darkness
khajeena - treasure

Maang kabhi ulfat mein jaan bhi humse
hum teri kisi baat ko taalaa nahi karte
tasdeek jo karni hai to aa jao kisi shaam
hum tere bina ghar mein ujala nahi karte..

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Log muntazir hi rahe ke humein toota dekhein
hum zabt kart-karte pathar ke ho gae..