Aap Khafa Ho Gaye To Koi Khushi Na Rahegi, Aap Ke Quotes

Aap khafa ho gaye to koi khushi na rahegi,
aap ke bina chiraago mein roshni na rehegi,
kya kahein kya guzregi dil par,
zinda to rahenge par zindagi na rahegi.

Hazaaron dard-mand milte hain,
kaam ke log chand milte hain,
jab musibat aati hai to
sabke darwaaze band milte hain..

Jaane kyon is jahaan mein aisa hota hai,
khushi jise hoti hai wahi rota hai,
umar bhar saath nibha na sake jo,
jaane kyon pyaar usi se hota hai.

Sehmi-sehmi nigaahon mein khwaab hum jagaa denge,
sooni-sooni raahon mein phool hum khila denge,
aap humaare saath muskura kar to dekho..
hum saare gham bhula denge.

Kadam-kadam par bahaaron ne saath chhoda,
zaroorat padne par yaaron ne saath chhoda,
vaade kiye sitaaron ne saath dene ke,
lekin subha hone par sitaaron ne bhi saath chhoda.

Kaha koi aisa mila jispe dil luta dete,
Har ek ne dhoka diya kis-kisko bhula dete,
Apne dil ka dard dil hi mein dabaye rakhe hain,
Karte bayan to mehfil ko rula dete….

Jab bhi unki gali se guzarte hun,
meri aankhein ek dastak de deti hain,
dukh yeh nahi, woh darwaza band kar dete hain,
khushi yeh hai, woh mujhe ab bhi pehchaan lete hain..