Aaj Hum Hain Kal Humaari Yaadein Hongi, Jab Hum Na Honge Quotes

Aaj hum hain kal humaari yaadein hongi,
jab hum na honge tab humaari baatein hongi,
kabhi paltoge zindagi ke panne,
to shaayad aapki aankhon se bhi barsaatein hongi.

Woh humein bhoolane ki baat karte hain,
zaraa poocho woh humein kab yaad karte hain,
jo karte the kabhi humse pyaar hone ka daava..
aaj akele rehne ki baat karte hain.

Unki tasveer ko seene se lagaa lete hain,
is tarah judaai ka gham mita lete hain,
kisi tarah kabhi jikr ho jaaye unka to,
has kar bheegi palke chupaa lete hain.

Waqt ke panne palatkar
fir woh haseen lamhe
jeene ko dil chaahta hai,
kabhi muskuraaya karte the sab dost milkar..
unhe saath dekhne ko aaj dil taras jaata hai.

Fursat kise hai roothne-manaane ki,
nigaahein badal gayi apne aur begaano ki,
aap na todna haath dosti ka,
warna tamanna na rahegi dost banaane ki..

Alvida keh kar jab koi aankho se dooor hota hai,
aankhein dekhti rehti hain magar dil majboor hota hai,
koi kahe na kahe zubaan se..
magar dil mein dard zaroor hota hai.

Zindagi ke sath sath maut ko gale lagakar chalna
gairon se puchna aur apna bhi naam batakar chalna

dekhkar gairon ko mayus khud mayus na ho jana
khud bhi hanse ki koshish karna, auron ko bhi hasakar chalna

mayus hokar na baithana, Zindagi imtahan leti hai
is haqiqat ko samajhana, sabhi ko samjhakar chalna

dasatak na de de kahin dil par yaadon ke farishte
rahon mein ghuzare hue palon ke nishayan mitakar chalna

tajjub hai! ab bhi tum ho yun mujhse juda juda
mere humnafaz, habib mere zara kareeb aakar chalna